Јужнокорејските власти денес почнаа да ги отстрануваат звучниците што емитуваат пропагандни пораки против Северна Кореја по должината на границата, соопшти Министерството за одбрана на Јужна Кореја, додека новата влада на претседателот Ли Џе-мјунг се стреми да ги намали тензиите со Пјонгјанг.

„Отстранувањето на јужнокорејските звучници е само практична мерка за намалување на тензиите меѓу Југот и Северот“, соопшти денес Министерството за одбрана на Јужна Кореја, објави Ројтерс.

Кратко по преземањето на функцијата во јуни, обидувајќи се да го оживее замрзнатиот дијалог со Северна Кореја, Ли нареди прекин на емитувањето на пропагандна содржина што е критична кон севернокорејскиот режим.