Неодамна Кике Сетиен седна на клупата на Виљареал и така после пауза од две години се врати во фудбалот. Иако немаше успех, сепак Сетиен е најпознат по неговиот краток период во Барселона.

Сетиен Барселона ја водеше во 2020 година, а си замина во август истата година. Тренер на Барселона беше на 25 натпревари и оствари 16 победи, четири реми и пет порази. Отказот од каталонскиот пораз го заработи по историскиот пораз од Баерн Минхен со 2:8. Според спогодбата за раскин на договорот Барселона требаше да му исплати четири милиони евра, меѓутоа таа обврска клубот од Каталонија се уште не си ја завршил.

„Барселона чекори напред и тоа може да се види. Верувам дека наскоро повторно ќе бидат успешни како некогаш. Сепак за се е потребно време, ништо не се случува преку ноќ. Економската ситуација исто така е многу важна, а знам дека таа има големо влијание во Барселона. Тоа го кажувам затоа што се уште клубот ми должи пари“, изјави Сетиен.

Ќе потсетиме, Сетиен го презема Виљареал откако Унаи Емери изненадувачки си замина за да ја преземе Астон Вила каде што го наследи Стивен Џерард.