Шпанскиот кошаркар Серж Ибака е нов играч на Реал, соопшти денеска клубот од Мадрид. Ибака (34) потпиша едногодишен договор со Реал.

Во текот на минатата сезона настапуваше за Баерн каде во Евролигата забележа 12,6 поени, 6,8 скока и 1,2 блокади по натпревар. Во дресот на клубот од Минхен го освои првенството и германскиот куп.

Одигра вкупно 14 сезони во НБА лигата, а за тоа време, тој ја освои лигата со Торонто во 2019 година.

Со репрезентацијата на Шпанија го освои златниот медал на Европското првенство во Литванија во 2011 година, а има и сребро на Олимписките игри во Лондон 2012 година.

Пред тоа, Ибака ја претставуваше Демократска Република Конго на младинско ниво.