Железничкиот сообраќај во Шпанија синоќа беше прекинат поради кражба на бакарни кабли.

Илјадници патници останаа заробени во возовите и на железничките станици во Шпанија, откако дел од брзите возови запреа. Според информациите, кражбата се случила во четири области во радиус од 10 километри.

Министерот за транспорт Оскар Пуенте на X објави дека станува збор за „сериозна саботажа“.

Утрово неколку возови тргнаа од Мадрид за Толедо, но линиите до градови како Севиља и Малага сè уште се прекинати, објави операторот на државната железничка инфраструктура ADIF на X.

Вработените на ADIF работат на замена на украдените кабли и враќање на сообраќајот. Илјадници луѓе се заглавени на станицата Аточи во Мадрид. Девет возови се заглавија меѓу станиците, а многу патници мораа да ја поминат ноќта во возовите, објави државниот радиодифузер TVE.

Инцидентот се случи откако минатата недела целата земја остана без електрична енергија, поради што железничкиот сообраќај беше во прекин.

Шпанија прогласи вонредна состојба поради проблемите со струјата, 30.000 полицајци ноќва ќе го чуваат редот