Шпанскиот ветеран Серхио Рамос во текот на целата своја кариера го носеше дресот со број четири како на клупско така и на репрезентативно ниво, но сега се одлучи за промена.

Рамос ќе игра за мексинскиот Монтереј и во овој клуб се одлучи на грбот да го носи бројот 93 и тоа причина е неговиот поранешен клуб, Реал Мадрид.
Одлуката на Рамос ја објаснија „кралевивте“.

„Серхио Рамос ќе игра за Монтереј со бројот 93, а причината е голот во 93. минута на кој сите се сеќаваме. Тоа е посвета за нашите навивачи и секогаш ќе му бидеме благодарни“, стои во објавата на Реал Мадрид.

Во прашање е финалето од Лигата на шампионите во 2014 година кога Рамос против Атлетико погоди во завршницата за израмнување, а подоцна „кралевите“ во продолженијата го освоија трофејот.

Sergio Ramos jugará en el C.F. Monterrey. El dorsal elegido por una leyenda de nuestro Club: nuestro minuto 93.
Un homenaje a todo el madridismo, el recuerdo de un momento que cambió nuestra historia.
Siempre agradecidos, @SergioRamos. Mucha suerte y éxitos. pic.twitter.com/h258C0N9U6

— Real Madrid C.F. (@realmadrid) February 6, 2025