По победата на Барса во Класико над Реал Мадрид, Серхи Роберто зборуваше за можното враќање на „Камп Ноу“ на капитенот на Аргентина, Лионел Меси.

Еден од лидерите во соблекувалната на Блауграна, ја имаше на ум суперѕвездата на Пари Сен Жермен после Ел Класико, пренесува шпанскиот „АС“.

– Кој не би бил подготвен за Лео да се врати? Не сакаме да зборуваме премногу за тоа, бидејќи тоа е нешто што треба да го решат тренерот и претседателот… Но, како играчи, би го пречекале назад со раширени раце – се зборовите на Роберто.

Шпанскиот репрезентативец беше критичен кон навивачите на ПСЖ кои го исвиркаа Аргентинецот за време на нивниот натпревар против Рен на Паркот на принцовите викендов, првиот меч на францускиот клуб на домашен терен по нивната елиминација во Лигата на шампионите од Баерн Минхен.

Sergi Roberto: "I hope Messi comes back. We are waiting for him. He does not deserve the treatment he receives in Paris", told @JijantesFC ?? #FCB

"We are waiting for Leo, we want him at Barça". pic.twitter.com/aRl8uEkfAF

— Fabrizio Romano (@FabrizioRomano) March 20, 2023

– На крајот, не можете да разберете зошто. Тој има добри сезони во Париз и сега го обвинуваат за елиминацијата од ЛШ. Тој е неверојатен играч и ќе се однесуваме со него на вистински начин ако дојде – изјави Роберто на „Јијантес“.

На нешто повеќе од три месеци до истекот на неговиот договор со ПСЖ, седумкратниот освојувач на „Златната топка“ и натаму нема донесено никаква одлука за својата иднина, а шпекулациите продолжуваат да растат. Има понуди од Саудиска Арабија и американската МЛС, а можно е и сензационално враќање во Барса доколку има намера да продолжи да игра на највисоко ниво.