Третиот носител Карлос Алкараз е елиминиран во второто коло на тенискиот грен слем САД опен, откако Холанѓанецот Ботик Ван де Зандшулп славеше убедливо со 3:0 (6:1, 7:5, 6:4).

Четирикратниот Грен слем шампион уште од самиот почеток беше во подредена позиција.

Ван Зандшулп, моментно 74 играч во светот, целосно ја контролираше играта.

– Тој беше неверојатен. Воопшто не ми даде поени, не правеше грешки, што ги очекував. И тоа како да ме вознемири. Моето ниво беше постојано исто и тоа не беше доволно за да си дадам шанса да победам.

Направив многу грешки, не ја удирав добро топката. Кога се обидов да се вратам беше предоцна. Тоа беше борба со себе, во мојот ум за време на мечот – рече Алкараз по поразот.