Тенискиот свет е во шок по новото изненадување на Мастерс турнирот во Шангај. Тенисерот од Монако, Валентен Вашеро, кој моментално е 204. на АТП листата, направи неверојатен подвиг и се пласираше во четвртфиналето.

Вашеро во осминафиналето го совлада 31. играч на светот, Холанѓанецот Талон Грикспор, со резултат 2:1 во сетови – 4:6, 7:6 (1), 6:4.

Овој резултат е историски за 25-годишниот Моначанец, кој досега само еднаш настапил на Грен слем турнир – на Ролан Гарос во 2024 година, каде што беше елиминиран во првото коло.

Во четвртфиналето Вашеро ќе се соочи со Данецот Холгер Руне, 10. тенисер на светот, додека во другиот меч од овој дел на ждрепката ќе играат Новак Ѓоковиќ и Зизу Бергс.