Адвокатите на семејството на Михалис Кацурис, навивачот на АЕК кој беше убиен во хулиганските нереди во Атина, Христос Мавроматис и Ставрос Георгопулос синоќа проговориле и ја пренеле изјавата на семејството.

Во своето соопштение адвокатите наведуваат дека информациите дека можеби зад убиството на Михалис стои навивач на АЕК не соодветствуваат со реалноста.

„Очигледно не го почитувте Михалис, очигледно немате почит кон неговото семејство. Очигледно немате почит кон оние кои се борат да ја откријат вистината. Но, ова искривување на реалноста навистина оди предалеку“ стои во соопштението.

Телевизијата СКАИ во последните неколку часа ја објави веста дека дел од полицајците сметаат дека е можно навивач на АЕК кој бил покрај него за време на нередите да е одговорен за убиството на Михалис Кацурис, но адвокатите на семејството ги отфрлаат таквите наводи.