Семејството на Махса Амини – 22-годишната Иранка чија смрт пред три недели предизвика масовни протести низ Иран – велат дека добиле смртни закани и биле предупредени да не се вклучуваат во демонстрациите, јави Би-Би-Си.

Махса стана симбол на иранската репресија по нејзиното апсење од полицијата за морал, која ја обвини дека неправилно го носи нејзиниот хиџаб. Нејзиното лице и нејзината приказна сега се познати низ целиот свет.

„Нашето семејство беше под огромен притисок од официјалните претставници на Исламската Република, така што не разговараме со организации за човекови права или канали надвор од Иран и не информираме никого од надворешниот свет за нејзината смрт“, рече нејзиниот братучед Ерфан Мортезаи.

Нејзиниот братучед е дел од иранската курдска опозициска партија во егзил со седиште во Ирак. Тој со години пред смртта на Махса, се обидувал да ја урне Исламската Република. Иранската влада ги обвини последните немири на таквите надворешни влијанија.

Тој вели дека заканите што ги добивале членовите на неговото семејство ги натерале да ја доведат во прашање нивната безбедност.

„Тие се под тортура на Исламската Република“, вели тој. „Официјалните лица на режимот ни се заканија преку Инстаграм со лажни профили и им рекоа на членовите на семејството во Иран дека ако се вклучат во протестите, може да бидат убиени“.

„Самиот, добивав многу закани по телефон, велејќи ми дека ако ме видат во градот, ќе ме киднапираат и ќе ме убијат“ додава тој.

Смртта на младата Иранка ја крена земјата на нозе: Жените гневни почнаа да ги палат хиџабите и да си ги сечат косите