Семејството на младата тетовчанка Теодора, која беше убиена од возачот Менсур Пајазити на пешачки премин упати писмо за благодарност до јавноста, медиумите, а особено до премиерот Христијан Мицкоски, за како што велат, навремената реакција и поддршката за случајот.

– Искрено се надеваме дека Судскиот совет ќе изреагира адекватно во врска со скандалозната и срамна одлука на судијата од Тетово, Ељведин Ферати, и имаме сомнеж како семејство дека зад оваа пресуда стојат политика, мито и корупција. Ние силно и натаму ќе се бориме за правда за Теодора. Исто така јавно сакаме да прашаме зошто иницијативи како „Кој е следен“ немаат покажано никаков интерес за нашиот случај, а само наводно се борат против трулиот и корумпиран систем … Ги немаше ниту на последното рочиште кога се изрече скандалозната одлука од само 2 години затвор за убиецот на сестра ми Теодора – се вели во писмото.

Сестрата на Фросина: Не протестираме против владата, благодарни сме ѝ

Тие сметаат дека е доста од „лажни иницијативи со скриени агенди каде жртвите се само средство за постигнување на туѓи цели“.

– Уште еднаш јавно се заблагодаруваме на јасната и искрена поддршка на Премиерот Мицкоски … Која очигледно дека и веднаш почна да дава резултати … Се надеваме дека будно ќе продолжите да го следите судскиот процес за нашата Теодора – порача семејството на Теодора.

Премиерот бара Судскиот совет да ја испита работата на судијата Ељведин Ферати, што досуди 2 години затвор за смртта на Теодора

Менсур Пајазити, кој во септември 2022 година ја прегази 22-годишната Теодора Ристевска, во понеделникот во судот призна вина за делото што му се ставаше на товар, а судијата тоа го ценел како една од околностите во насока на пониската казна.

„Обвинетиот управувал возило „БМВ“ со брзина од 59 километри на час, која не е приспособена на условите на патот, за да може навремено да го запре возилото, при што не му отстапил првенство на минување на пешакот, сега покојната Теодора Ристовска, која поминувала на обележан пешачки премин“, наведе судијата Елведин Ферати при читањето на пресудата, според „Тетово Инфо“.

Тетовскиот суд во ноември 2023 година пресуди три и пол години затвор за возачот. Пајазити ја обжали казната, по што таа му беше намалена на две години.

ВИДЕО | Сестрата на Теодора: Дали некој ќе ми објасни колку вреди животот на сестра ми?