Семејството на Мајкл Џексон се закани со тужба против новинарот Мартин Башир. Имено, тие сметаат дека тоа интервју ја уништило кариерата на „кралот на попот“.

Семејството на Мајкл Џексон се закани дека ќе го тужи новинарот Мартин Башир за интервјуто кое многу одамна го направи со кралот на попот.

Дека семејството е подготвено да ја бара правдата, потврди и поранешниот телохранител на поп – ѕвездата, Мет Фидес, кој даде изјава за „Mirror“.

Take 2 minutes out of your life to see examples of the manipulative editing and deceitful things Martin Bashir did to my uncle Michael. We have these receipts and more. Where’s our investigation??? https://t.co/HGutLhLD5K

— Taj Jackson (@tajjackson3) May 21, 2021

„Семејството ги разгледува законските можности да реагира, бидејќи тие веруваат дека портретирањето на Мајкл од страна на Башир и лагите што ги измислил за него, му ја уништиле кариерата“, истакнал тој.

Имено, во контроверзната емисија Башир разговарал со Мајкл за децата и бројните обвинувања за злоупотреба што ги добил кралот на попот. Семејството на Џексон верува дека Башир „го измамил пејачот да се согласи на интервју“.

Внук на пејачот, Таџ Џексон, го обвини Башир за манипулативно користење видеа и „неетичко новинарство“ и побара извинување од новинарот.

„Манипулативните снимки на Башир и неетичкото новинарство се една од главните причини зошто чичко ми Мајкл повеќе не е со нас. Судењето во 2005 година го скрши. Срамота е за оние кои му дадоа покритие на Башир. Срамота е за оние што го наградија. Моето семејство заслужува истрага и извинување“, напиша Таџ на „Твитер“.