Семејството на починатиот актер Ален Делон одби да му ја исполни желбата. Имено, актерот сакал неговиот 10-годишен белгиски овчар Лубо да биде успиен, да го стават во неговите раце и да го погребаат со него.

– Сакам да бидам погребан со моите кучиња. Ништо друго не ме интересира, само сакам да бидам со нив. Тие се единствените кои ме сакаа безусловно, секогаш беа покрај мене, не барајќи ништо за возврат – изјавил актерот во едно интервју во 2018 година, пренесува „Дејли бист“.

Легенданиот актер почина во неделата на 88-годишна возраст, а оттогаш активистите за права на животните и неговите деца се залагаат кучето Лубо да остане живо.

– Животот на животното не треба да зависи од животот на човекот. СПА е среќна да го преземе неговото куче и да му најде семејство – порачале од француската организација за животни СПА.

Портпаролот на фондацијата Бриџит Бардо во вторникот изјави дека фондацијата ќе ги почитува барањата на семејството.

– Штотуку разговарав со Анушка Делон, која ми кажа дека Лубо е дел од семејството и дека ќе остане со нив. Кучето нема да биде успиено – порачал тој.

Да потсетиме, според информациите што ги откри француски „Л Паризиен“, во текот на прегледот на почетокот на годината, легендарниот актер му се доверил на својот лекар дека сака да умре.

Дневниот весник објави текст во кој пишува дека актерот повеќе не е човекот каков што бил некогаш – се наведува дека е физички и психички ослабен и дека ја изгубил луцидноста. Актерот, наводно, бил подложен на различни проценки во последниве години за да се утврди неговата способност по тужбата за злоупотреба на слабоста поднесена од неговите деца против неговата поранешна партнерка Хироми Ролин.

Помеѓу септември 2021 и јуни 2023 година, лекарите наводно забележале дека актерот имал тешкотии да донесува заклучоци и да ги решава семејните проблеми. Во текот на завршниот преглед, лекарот наводно напишал во својот извештај дека „неговата волја за живот е мала и дека се чини дека повеќе не очекува ништо од животот“.

Пред две години Делон изјави дека сака да го заврши својот живот со евтаназија во Швајцарија.

– Секако дека ја поддржувам евтаназијата. Живеам во Швајцарија, каде што таа е легална. Мислам дека тоа е најлогичната и најприродната работа. Секој има право да умре без престој во болници и примање инјекции – рекол тогаш Делон.

Тој поднел барање за швајцарско државјанство уште во 1999 година, а во таа земја живееше по операцијата поради мозочен удар во 2019 година.

Почина Ален Делон, легендата на француската и светската кинематографија

Ален Делон сакаше да умре уште од 2018 година: Го мразам времето во кое живееме, сè е лага и само парите се важни