Бруклин и Ромео Бекам, синовите на Дејвид и Викторија Бекам, наводно не се во добри односи. Извори за Ти-ем-зи изјавиле дека браќата се во конфликт и дека веќе некое време не разговараат поради новата девојка на Ромео, Ким Турнбул.

Се шпекулира дека Турнбул претходно била во врска со Бруклин, пред да започне љубовна врска со неговиот помлад брат. Сепак, извори нагласуваат дека расправијата меѓу браќата нема никаква врска со љубомора, туку Бруклин е загрижен за можните скриени намери што Ким би можела да ги има во врската со другиот син на семејството Бекам.

Ким и Ромео во неделата присуствувале на прославата за 50-тиот роденден на Дејвид, кој поранешниот фудбалер одлучил да го одбележи порано. Меѓутоа, Бруклин и неговата сопруга Николa Пелц не се појавиле на гламурозната забава. Според медиумските извештаи, токму расправијата меѓу браќата е причината зошто најстариот син на Бекам и неговата сопруга не присуствувале на свеченоста. Наводно, двојката не планира да присуствува на ниту еден јавен настан на кој ќе биде присутна Турнбул.

Како што тврдат извори, поради несогласувањата со Ромео, Бруклин и Николa ја пропуштиле и модната ревија на Викторија во март.

Ромео во ноември 2024 година на социјалните мрежи откри дека е во врска со Ким. Еден месец претходно беше фатен како се бакнува со Греј Соренти, а претходно беше во долга врска со Миа Реган. Ромео и Миа беа заедно пет години, но раскинаа во февруари 2024 година.