Селмани: Без надворешна интервенција, тешко може да се опорави судството
Загрижува фактот што граѓаните во земјава во мал процент му веруваат на судството. Три децении транзиција во Северна Македонија се посветени на реформите во правосудството, но напредок е постигнат само во однос на технологијата, односно индустријализацијата и дигитализацијата, но не и како реформа во однос на правната содржина, велат правните експерти зборувајќи ниската доверба на граѓаните во судството.
Препорачано
-
1
-
2
-
3
– Недовербата постои како резултат на корупција. Не може да се каже дека ова општество нема добри, вистински и некорумпирани професионални судии, но за жал во нивните редови има доволно кои не го познаваат занаетот како што треба и крајно се корумпирани. Значи, тоа се оние кои го компромитираат целиот судски систем. Но, овие корумпирани луѓе не можат да бидат такви ако политиката не е корумпирана. Судската власт во принцип е одвоена од политичката, но за жал кај нас политиката често го диктира судството и со тоа се создаде маѓепсан круг со овој рак на општеството, изјави за „Слободен печат“, Ќенан Алиу – правник.
Министерот за правда Никола Тупанчески за Утрински брифинг изјави дека перцепцијата за судскиот систем сѐ уште не е променета и дека треба да се направи нешто радикално.
Универзитетскиот професор по казнено право Башким Селмани вели дека без надворешна интервенција тешко може да се опорави судството и да функционира правната држава.
– За жал, секоја година довербата во судството се влошува. Граѓанските спорови траат со години и не добиваат конечен епилог и по правосилната пресуда. Причините се корупцијата, политичкото влијание, придобивките меѓуинституционални. Контролата на предметите од страна на повисоките инстанци се врши со влијание на лицата или раководителите кои го контролираат речиси секој случај. Трето и фатално беше ветувањето на господинот Зоран Заев дека ќе врати украдените до последниот денар од злоупотребените народни пари, а се случи ниту денар да не се врати. Третиот го проголта специјалното обвинителство и го виктимизира криминалот, единствената земја во светот која беше сведок на трагедија за судството е РСМ. За каква доверба може да зборуваме, вели Селмани за „Слободен печат“.
Според него, без надворешна интервенција тешко закрепнува судството и функционира правната држава.
