Минатата година во Хрватска се произведени околу 631 милион јајца, што е за 105 милиони јајца помалку од 2021 година. Во просек, во изминатите две години – 2022 и 2023 година – хрватските кокошки снесувале 144.000 јајца помалку секој ден. Затоа се зголемува увозот на јајца. Минатата година најмногу јајца се увезени од Полска (1,65 милиони килограми), од Италија (1,07 милиони) и од Албанија (0,96 милиони килограми).

Бидејќи јајцата во овие земји се значително поевтини во просек отколку во Хрватска – а во големи количини завршуваат на нашиот пазар – останува мистерија зошто хрватските јајца се најскапи во ЕУ.

Но состојбата кај живинарските фарми покажува дека добар дел од нив имале одлични приходи. Така на пример фармата „Лукач“ во близина на Загреб, која имаше загуби поради салмонела во септември 2022 година, успеала да се опорави минатата година. Имале 9 милиони евра приход со раст од 20 отсто и 1,4 милиони евра добивка, што е дури 1.650 отсто повеќе! „Бјеловарска гала“ лани имала приход од 8,3 милиони евра, што е за 35 отсто повеќе, а добивката била 2 милиони евра што е за 178 отсто поголема. Загрепските компании „Перфа“ остварија вкупни приходи од 25 милиони евра со нето добивка од 1,8 милиони евра. „Перфа“ забележа и силен пораст на нето добивката во однос на претходната година, а значително се зголемија и приходите, пишува Даница.хр.