Екипата на Еурофарм Работник ја оствари првата победа на ТВ турнирот на шампионите во Добој, откако во рамките на второто коло со 26:24 го победи домаќинот Слога.

Во првото полувреме подобра игра прикажаа домаќините и на одмор заминаа со 13:11. Во второто полувреме, играта на битолчани беше далеку подобра и предводени од голманот Благојче Трајкоски успеаја да направат пресврт и да дојдат до победата.

Најпрецизни со по пет постигнати голови беа Кузмановски  и Радовиќ, додека на голот брилјираше Трајковски кој имаше дури 21 одбранаа.
Работник во првото коло одигра нерешено 24:24 со Луцерн, утре е слободен, а во наредното 3. коло ќе се сретне со Пекинг Универзитет.