Седуммина мажи и шест жени, сите од Турција, вреча биле уапсени кај гратчето Суфли на североистокот на Грција, откако кај нив биле пронајдени вкупно 147 пиштоли и големо количество муниција, јави „Катимерини“.

Тие ја преминале граничната река и илегално влегле во земјата, пишува грчкиот весник.

Медиумите, повикувајќи се на полициски извори, пишуваат и дека грчките полицајци специјализирани за борба против организиран криминал претходно добиле информации дека криминалци со оружје ќе се обидат да влезат во земјата. Тие поставиле заседа, а оружјето било пронајдено сокриено во близина.

Полицијата смета дека пронајдените пиштоли требало да стигнат до членови на озлогласената турска банда „Далтони“ во Грција, но и во други европски земји, како Шпанија.

Турска мафија ровари во Грција, „Далтони“ пукаа врз грчки агенти