Седумгодишно момче вчера попладнето предизвикало пожар во супермаркет во Братислава, јавија денеска локалните медиуми.

Според регионалната полиција, детето го започнало пожарот во делот со тоалетна хартија и пелени, по што огнот се проширил и зафатил други производи во супермаркетот.

Во пожарот нема повредени, но причинета е материјална штета од над милион евра. Сите вработени и купувачите кои се затекле во маркетот биле брзо евакуирани.

Полицијата поведе постапка за предизвикување општа опасност.

„Поради возраста на сторителот, полицијата презема различни мерки во соработка со службите за социјална заштита“, изјави портпаролот на полицијата.

Пожарот го изгаснале братиславските пожарникари.