Седумгодишно дете починало во КБ „Свети Дух“ една недела по операција на крајници, потврди директорот на болницата, д-р Игор Алфиревиќ, пишува  „24 сата хр“.

– За жал, точни се информациите дека во четвртокот, 25.07.2024 година, по реанимација, во Клиничката болница „Свети Дух“ починало детенце. Детето, седум дена по операцијата на крајниците на Клиниката за оториноларингологија и хирургија на глава и врат и шест дена по отпуштањето од болница, во раните утрински часови почина на Институтот за итна медицина. Детето било донесено без витални знаци – велат од болницата.

Болницата веднаш го известила Министерството за здравство, како и Втората полициска станица Загреб – Чрномерец. Поведена е постапка за внатрешен надзор, со цел да се истражат сите околности на случајот. Телото е пренесено во Институтот за судска медицинска обдукција на Медицинскиот факултет во Загреб, за да се утврдат точните причини за смртта.

Истрагата за смртта на детето е во тек.