Живеалиштето на скакулците може да се зголеми до 25 проценти поради затоплувањето на климата. Наездата на овие инсекти може да доведе до откажување на културите и да претставува закана за глобалната безбедност на храната.

Ова се наведува во научната статија објавена во списанието „Сајанс Адвансис“, објави Политика.рс.

Сингапурските и кинеските научници кои ја спровеле студијата укажуваат дека наездата на пустинските скакулци „придонесува за глад и ја загрозува безбедноста на храната“.

Африка, Блискиот Исток и Јужна Азија се особено погодени од активноста на штетници. Рој скакулци може да заземе површина од квадратен километар со околу 80 милиони единки.

За еден ден, тие можат да јадат доволно прехранбени култури за 35 илјади луѓе. Истражувачите идентификуваа десет „жешки земји“ кои истовремено ќе бидат загрозени од „избувнување“ на скакулци.

Станува збор за земји кои не се соседи една на друга, на пример, Мароко, Индија и Алжир или Пакистан и Саудиска Арабија. Научниците укажуваат дека „џебовите од скакулци“ во северозападна Африка, Рогот на Африка, Блискиот Исток и Индија и Пакистан ќе останат под „висок ризик од 2065 до 2100 година“ дури и ако човештвото одлучи значително да ги намали емисиите на јаглерод, пренесува Меѓународната новинска агенција. „Казинформ“.