Возило „џип“, во сопственост на Амбасадата на Италија во земјава, управувано од четириесет и едногодишниот Д.М. од Скопје, синоќа се запалило на местото викано Теферич во општина Кисела Вода. МВР соопшти дека нема повредени. Случајот минатата вечер го пријавиле во СВР Скопје од Бригадата за противпожарна заштита Скопје.

Полициски службеници од Полициската станица Кисела Вода излегле на терен и констатирале дека возилото било опожарено. Возачот изјавил дека кога се движел во правец од Теферич кон Сопиште, забележал чад и оган од десната страна на предната хауба при што застанал и со помош на граѓани го изгаснале пожарот.  Опожарен е делот на моторот и шал таблата, наведува МВР.