Повеќе од 30 лица се повредени откако синоќа се запали панорамско тркало на фестивалот „Хајфилд“ во близина на германскиот град Лајпциг.

Две лица се тешко повредени. Четворица имаат изгореници, а еден имал повреди од пад од високо. Многумна се пожалиле дека вдишале чад откако се запалиле две кабини на тркалото.

Причините за пожарот засега се нејасни. Во околу 21 часот се запалила една од кабините на панорамското тркало, а огнот потоа се проширил и на втората кабина.

Еден од посетителите на фестивалот од Келн рече дека панорамското тркало наеднаш се забрзало. Запалените кабини се наоѓале на самиот врв на тркалото.

Раперот Ски Агу изјави дека организаторите на фестивалот му кажале да не го прекинува концертот, на кој присуствувале околу 30.000 луѓе.