Вечерва на регионалниот пат Тетово – Јажинце кај селото Одри се запали и изгоре возило во движење пришто, за среќа, нема повредени лица.

– Нема повредени меѓу патниците и меѓу пожарникарите. Ние бевме со едно возило и четворица пожарникари. Во овој случај беше добро што успеавме да го локализираме огнот и на тој начин не се прошири. Далечината од над 20 километри беше најголема пречка за евентуална побрза интервенција. Затоа е потребно она што апелираме во руралните општини да има барем пожарникарски единици за брза и почетна интервенција, информира Ука Алити, командант на тетовските пожарникари.

Според тетовската пожарникарска единица оган го зафатило возилото околу 18 часот и 30 минути кога добиле пријава по телефон.