Објавена е уште една снимка од разговор меѓу заробен руски војник и неговата мајка.

„Мамо, ние не сме спасители, ние сме окупатори“, вели расплаканиот војник во телефонот, откривајќи дека биле убиени и цивили. Како одговор, се слуша женски глас кој му вели дека не е виновен. Видеото се рашири на социјалните мрежи, а прво беше објавено на Телеграм.

Бидејќи не се целосно познати околностите во кои војникот разговара со мајка си, не се познати ниту неговите мотиви за овој разговор. Имено, сосема е разбирливо дека заробениот војник не секогаш го кажува она што го мисли.

Во последните денови се проширија неколку снимки на заробени Руси како разговараат со своите мајки на телефон.

Украинците ги поканија руските мајки да ги земат нивните синови

Инаку, украинската армија ги повика мајките на руските војници заробени на украинска територија да дојдат и да ги земат, наведувајќи дека од почетокот на руската инвазија се заробени десетици војници.

„Донесена е одлука заробените руски војници да се предадат на нивните мајки доколку дојдат во Украина, во Киев“, се вели во соопштението на украинското Министерство за одбрана. Објавени се телефонски броеви и адреси на е-пошта преку кои мајките можат да добијат информации за нивните синови затворени во Украина.

Руските мајки се поканети да дојдат во Полска и на тој начин да влезат во Украина доколку се покаже дека нивниот син е заробен.

 „Ќе бидете пречекани и придружувани во Киев каде што ќе бидат предадени вашите синови“, соопшти украинското министерство, додавајќи дека „за разлика од фашистите на Путин, тие не водат војна против мајките и нивните заробени деца“.

ВО ЖИВО | Конфликтот во Украина, вести од минута во минута: ЕК подготвува нови санкции