Се спроведува реконструкција и адаптација на помошниот објект до Магазата што е во склоп на музејскиот комплекс „Куќата на Робевци“ во Охрид. Средствата за реализација на овој проект се обезбедени преку програмата на Министерството за култура.

Отпочнати се зафати за промена на кровот и кровниот покривач, промена на оштетените греди и нивно зајакнување, а поставен е и нов под од гранитни плочи.

На објектот ќе се работи и наредниот период, односно ќе бидат санирани внатрешните ѕидни платна како и промена на надворешната столарија и освежување на фасадата во бела боја.

Реконструкцијата е во насока на подобрување на функционалоста на помошниот објект што служи како депо на археолошки наоди.