Сe разболе судијката судијката Васка Николовска – Масевска која го води предметот „Рекет“ во кој првообвинет е Бојан Јовановски, а второобвинета е Катица Јанева. Поради болест на судијката денешното рочиште е одложено.

Во судница беа присутни само адвокатите на обвинетите, кои не беа спроведени од притвор. На денешното рочиште не беше присутен и јавниот обвинител.

Случајот се наоѓа во доказна постапка и денеска требаше да се продолжи со изведување материјални докази.

Првообвинетиот Јовановски се сомничи дека сторил кривично дело „перење пари и други приноси од казниво дело”, а Јанева и Милевски за „примање награда за противзаконито влијание”. Второобвинетата Јанева се товари и дека сторила и кривично дело „злоупотреба на службена положба и овластување”.