Необичната апликација на млад човек од Ливерпул да биде прв човек на познатиот спортски бренд не беше одбиена. Колку пати сте го слушнале советот да бидете различни кога аплицирате за работа? Еден млад човек од Ливерпул го сфатил буквално и успеал да го привлече вниманието на една од најголемите компании во светот- објави Каматица.

Тој аплицирал за позицијата извршен директор на „Најк“, но не со класично CV и уредно мотивациско писмо. Наместо тоа, испратил писмо кое повеќе звучело како стендап настап отколку како сериозна бизнис апликација. Во него, тој вети дека тројно ќе ја зголеми продажбата со отстранување на белите ѓонови на патиките, преместување на глобалното седиште на „Најк“ од Америка во Ливерпул, а како шлаг на тортата, побарал да биде платен во ваучери и во патики кои сè уште не се пуштени во продажба, објавува Bizlife.

Менаџментот на „Најк“, се разбира, не ја прифатил неговата „извршена презентација“, но наместо да заврши сè со одбивање, решил да реагира на сосема поинаков начин. Тие ја препознале неговата креативност, чувство за хумор и единствена перспектива за брендот. И наместо да му се заблагодарат и да ја затворат вратата, тие широко ја отворија.

Наместо директорската фотелја, тој доби нешто пореално, но исто толку вредно: шестмесечна пракса во тимот за стратегија на брендот и маркетинг, токму во седиштето на компанијата во Орегон.

Така, духовитата и навидум „невозможна“ апликација се претвори во можност од реалниот живот, да работи рамо до рамо со луѓе кои создаваат глобални трендови, во компанија на која ѝ се восхитувал целиот свој живот. Можеби не станал директор, но станал дел од приказна која сигурно ќе се раскажува долго време и докажал дека понекогаш најлудата идеја може да ги отвори најголемите врати.