Меѓу Полјаците се зголемува подготвеноста доброволци, како и војници кои би ги испратила државата да се борат во Украина, а според истражувањето спроведено за локалните медиуми, денес 9,4 отсто од испитаниците сметаат дека Полска треба да помогне и со испраќање свои војници, додека минатата година воопшто немаше поддршка.

„Минатата година и сега го поставивме истото прашање: Каква помош треба да и пружиме на Украина. Во претходната анкета, воопшто немаше прифаќање за испраќање полски војници, а само 3,4 отсто ја изразиле својата поддршка да им се дозволи на Полјаците да се борат како доброволци на страната на Украина“, потсетува полското радио РМФ ФМ на својата веб-страница, за кое заедно со весникот „Дјеник Газета правна“ е изработена нова анкета.

Сега за тоа државата да им дозволи на Полјаците да служат во украинската војска се изјаснуваат 27,1 отсто од граѓаните.

Најголема поддршка и натаму има за испраќање хуманитарна помош, која ја поддржуваат 75 отсто од анкетираните, додека 67,6 отсто сметаат дека Полска треба да и достави на Украина оружје, не само муниција, туку и тенкови или авиони за да се одбрани од руската агресија.