Американската инвестициска компанија „Карлајл груп“ е во преговори за „голема“ инвестиција во англискиот фудбалски клуб Манчестер јунајтед.

А понудата за тимот од Премиер лигата влегува во завршна фаза, објави „Скај Њуз“.

Според изворот, Карлајл е една од неколкуте фирми кои се борат за удел во клубот од „Олд Трафорд“, додавајќи дека точните детали за понудата, вклучувајќи ја висината на инвестицијата и структурата на договорот, допрва треба да се финализираат.

Американските сопственици на „црвените ѓаволи“, семејството Глејзер, официјално ја започнаа продажбата на клубот на крајот на минатата година и добија неколку понуди, меѓу кои и од катарскиот шеик Јасим бин Хамад Ал Тани и британскиот милијардер Џим Ретклиф.

Глејзер го купија Манчестер јунајтед во 2005 година за 790 милиони фунти во зделка што беше многу критикувана поради оптоварување на клубот со долгови.