Состојбата на папата Франциск, кој беше хоспитализиран поради билатерална пневмонија, продолжува да се подобрува, а неинвазивната механичка вентилација е прекината, соопшти денеска Ватикан.

-Потврдено е дека клиничките состојби на Светиот Отец се подобруваат. Светиот Отец ја суспендираше неинвазивната механичка вентилација и исто така ја намали потребата од терапија со кислород со висок проток. Продолжува напредокот на моторната и респираторната физиотерапија – соопшти Ватикан.

Се додава дека денеска, на денот на Свети Јосиф, миса отслужил и папата Франциск, пренесува Анса. Папата, кој има 88 години, беше примен во римската болница Џемели на 14 февруари со тешка респираторна инфекција и оттогаш не е виден во јавноста.