Шел е во почетни преговори за преземање на конкурентот БП во она што би бил најголемиот нафтен договор во последните децении, објави Волстрит џурнал. Разговорите меѓу претставниците на компаниите се активни, изјавија извори за WSJ, а БП внимателно го разгледува пристапот- пренесува Кликс. ба.

Преземањето на БП би ја ставило Шел во посилна позиција да се справи со поголемите конкуренти како што се Ексон Мобил и Шеврон. Тоа би била историска комбинација на две таканаречени супер нафтени компании, односно група мултинационални гиганти кои доминираат во производството на најважните светски извори на енергија.

Потенцијалните услови на кој било договор се непознати, а спојувањето е далеку од сигурно. WSJ тврди дека „преговорите се одвиваат бавно“.

Тековната пазарна вредност на BP е околу 80 милијарди долари. Земајќи ја предвид премијата, договорот би можел да стане најголемиот корпоративен договор за нафта од мегаспојувањето од 83 милијарди долари што го создаде Exxon Mobil на крајот од минатиот век.

Исто така, тоа би било убедливо најголемото спојување и аквизиција на годината, досега, на пазар кој е потресен од трговската војна на американскиот претседател Доналд Трамп и други геополитички тензии.