Искусниот голман Бен Фостер објави крај на кариерата на 40-годишна возраст.

Голманот кој пет години помина во Манчестер Јунајтед и своевремено бранеше и за англиската репрезентација се пензионира како играч Врексам.

Пред пола година Фостер одлучи да ја го прифати повикот од Врексам, но по само пет натпревари во новата сезона одлучи да стави крај.

„Моите настапи оваа сезона не се на посакуваното ниво и затоа мислам дека е вистинско време да се повлечам. Не сакам да мислам само на себе, туку и на клубот, па сакам да ослобам простор да пристигне нов голман до крајот на преодниот рок“, изјави Фостер за официјалниот сај на клубот.

Фостер дел од Манчестер Јунајтед беше пет години (2005-2010), но во тој период како резервен голман запиша само 12 натпревари. Во клупската кариера настапуваше уште за Вотфорд, Бирмингем, ВБА и Стоук. Дресот на англиската репрезентација го носеше на осум натпревари.