Со новите измени на Законот на оружје, стапи на сила новиот систем за набавка на муниција со кој граѓаните кои легално и со дозвола поседуваат оружје ќе можат да ја набавуваат потребната муниција директно во овластените продавници, информираше денеска министерот за внатрешни работи Панче Тошковски.

 Согласно измените на Законот за оружје, стапи во сила новиот систем за набавка на муниција. Со него, граѓаните кои поседуваат оружје ќе можат да ја набавуваат потребната муниција директно во овластените правни субјекти. Повеќе не е потребно претходно одобрение за набавка на муниција – соопшти Тошковски.

Тој додаде дека истовремено, преку централен електронски систем, Министерството ќе врши постојана контрола и увид во количините на муниција што се набавуваат, во согласност со законски утврдените ограничувања.