Вчера навивачите на Баерн Минхен и на Борусија Дортмунд, а денеска тие на Унион Берлин го навредуваа сопственикот на Хокенхајм, Дитмар Хоп.

– Имам многу работа, седам на работната маса и ги завршувам своите обврски. Сево ова, за жал премина во нова димензија. Видев и почувствував солидарност на дело и тоа е голема помош за мене. Кога би можел да претпоставам што тие идиоти сакаат од мене, би ми било многу полесно да разберам што се случува. Не можам да си објаснам поради што не ме сакаат и тоа потсетува на некои мрачни времиња – изјави Хоп кој додаде дека нема намера да се повлече како и да разговара со навивачите.

– Не сакам да разговарам со такви луѓе. Тие живеат во некој друг свет. Со такви луѓе ниту сакам, ниту можам да разговарам и не би имал претстава што да им кажам. Зашто не би требало да одам на сопствениот стадион? Баш сакам да видам што ќе се случува во иднина.