Утрово фудбалскиот свет беше потресен од смртта на фудбалерот на Ливерпул, Диого Жота кој животот го загуби во сообраќајна несреќа.

Шпанската полиција објави и детали за несреќата која се случила половина час по полноќ. Автомобилот на Жота при голема брзина излетал од патот и се запалил, а причина за излетувањето била пукната гума.

„Според информациите кои ги имаме, возилото „ламборџини“ излетало од патот поради пукање на гума при претекнување.Возилото веднаш се запалило и двајцата патници ги загубиле животите“, објави полицијата.

Заедно со Жота, кој имаше 28 години животот го загуби неговиот брат Андре кој настапуваше во португалската втора лига на 25-годишна возраст.

Шок во светскиот фудбал: Почина Диого Жота!