Во врска со тенденциозните информации објавени во одредени медиуми дека е блокирана сметката на 1ТВ, менаџментот на телевизијата ја информира јавноста дека сметката на 1ТВ е активна, што може да се утврди и со увид во банкарска потврда.

„Воедно, ваквите дезинформации ги оценуваме како злонамерни, кои имаат за цел да го нарушат угледот на телевизијата, предизвикувајќи и материјална штета, но и да внесат забуна кај клиентите и гледачите“, се наведува во соопштението на менаџментот на телевизијата.

УЈП потврди дека сметката на телевизијата е блокирана, но причините за ваквиот потег остануваат во тајност.