На денешен ден пред дваесет и три години беше потпишан Рамковниот договор со кој беше ставен крај на неколкумесечниот вооружен конфликт во земјава во 2001 година.

По тој повод Владата ќе одржи свечена седница со почеток од 13 часот, на која е предвидено обраќање на премиерот Христијан Мицкоски и првиот вицепремиер и министер за животна средина Изет Меџити. Ќе биде одржана и панел-дискусија во Клубот на пратениците, на организација на Министерството за животна средина и просторно планирање. Настанот на тема „23 години од Рамковниот договор, децентрализацијата останува предизвик“ ќе почне во 10 часот, а ќе продолжи вечерта со свечен прием во Музејот на современа уметност во Скопје.

ДУИ организира одделен настан што ќе се одржи во 12:00 часот во хотелот „Александар палас“ во Скопје.