Во белградскиот Институт „Торлак“  денеска пристигна значително количество на супстанција за производство на руската вакцина против ковид-19 „Спутник В“.

Авионот натоварен со супстанцијата од фабриката „Генериум“ во Владимирката област слета попладнево на белградскиот аеродром Никола Тесла, објави Танјуг.

Српскиот министер и претседател на Меѓувладиниот комитет за соработка со Русија Ненад Поповиќ рече вчера дека станува збор за количество на супстанција доволна за производство на повеќе од 250.000 дози од компонентата еден на Спутник В.

Пре сат времена на аеродром Никола Тесла допремљена је супстанца за производњу @sputnikvaccine на Институту Торлак. Србија је прва земља у Европи која производи руску вакцину. То је најбоља потврда развоја стратешке српско-руске сарадње! ???? pic.twitter.com/pVrKNxbEXA

— Nenad Popović (@npopovicSNP) July 5, 2021

– По десетина дена, според најавите на нашите партнери, во Србија треба да пристигне и супстанцијата за производство на истото количество од компонентата два. Очекуваме „Торлак“ во следните две недели да има околу 550.000 вакцини Спутник од компонентата еден и два, рече Поповиќ.

Тој наведе дека по производството на вакцините во „Торлак’, по 18 примероци од секоја серија, ќе бидат испратени во рускиот Институт Гамалеја, каде ќе се изврши контрола на примероците, а потоа вакцините, доколку е се во ред, ќе бидат пуштени во оптек, соопштија од српската влада.

– Очекуваме дека тоа ќе се случи во рок од три недели откако примероците ќе пристигнат во Гамалеја, наведе Поповиќ кој во моментов се наоѓа во Москва.

Денес започнува производството на Спутник V во „Торлак“