Министерството за внатрешни работи информира дека во координација со Јавниот обвинител почната е истрага во врска прислушувани телефонски разговори што вчера беа објавени на социјалните мрежи.

– За текот на истрагата јавноста дополнително ќе биде информирана – велат од МВР за „Слободен печат“.

Откако вчера на интернет се објавија нови прислушувани разговори, сега „Илија Громовник“ објавил уште две други. Новите видеа се насловени „Јово Превара“ и „Комитети“. Македонските медиуми пренесуваат дека и порано анонимни лица објавувале одредени прислушувани разговори.