СДСМ: Орце Ѓорѓиевски е претседател на ЗЕЛС, па нека објасни зошто не се решени Дрисла и Вардариште
Секојдневно, стотици илјади граѓани се под закани на канцерогени материи, зашто неспособната власт на ВМРО-ДПМНЕ дозволи дивите депонии да станат еколошки бомби, обвинуваат од СДСМ.
На Скопје и на пола Македонија им се заканува еколошка катастрофа бидејќи четири години ВМРО-ДПМНЕ не мрднаа со прст да го решат проблемот со депониите, обвинуваат од СДСМ.
Препорачано
„Секојдневно, стотици илјади граѓани се под закани на канцерогени материи, зашто неспособната власт на ВМРО-ДПМНЕ дозволи дивите депонии да станат еколошки бомби. Неспособната ВМРО-ДПМНЕ и нејзините градоначалници се најголемата катастрофа за Скопје. Ветуваа дека ќе ги исчстат сите депониии и дека ќе најдат решение, по 4 години нема ништо од тоа. Резултатот е поразителен, задушен град и огромен ризик по здравјето на скопјани од канцерогени материи. Нели Орце Ѓорѓиевски е претседател на ЗЕЛС, зошто се крие? Треба да престане да бега, да излезе и да им каже на граѓаните зошто четири години не е решена депонијата Вардариште, зошто не е решена Дрисла, зошто ништо не е направено“, велат од СДСМ.
Мицкоски и ВМРО-ДПМНЕ го загушија Скопје и ја трујат Македонија, се вели во соопштението на СДСМ, и токму тие се најголемите виновници за еколошката катастрофа што се случува.
