Претседателот на Партијата за демократска акција (СДА) Бакир Изетбеговиќ потврди дека нејзините членови ќе го блокираат изборот на новата влада на Федерацијата БиХ, која ќе ја предводи лидерот на СДП, Нермин Никшиќ, кога ќе дојде прашањето на дневен ред.

Во исто време кога лидерот на ХДЗ БиХ Драган Човиќ најави дека новиот состав на Советот на министри на БиХ ќе стапи на должност следната недела, а „контурите” на новата влада на Федерацијата ќе бидат познати за петнаесетина дена. Изетбеговиќ рече дека неговата партија ќе го искористи механизмот за блокирање што го има на располагање доколку СДА ја добие функцијата потпретседател на Федерацијата.

СДА веќе го предложи Рефик Ленда, нејзин функционер од централна Босна, за оваа функција, а тој може да биде избран благодарение на измените на изборниот закон и уставот на Федерацијата на Босна и Херцеговина, кои беа наметнати на 2 октомври од Високиот претставник Кристијан Шмит.

Се покажа дека овие измени, чија првична цел беше да се спроведе пресудата на Уставниот суд на Босна и Херцеговина за случајот „Љубиќ”, односно да се заштити позицијата на Хрватите, завршија во прилог на партијата на Изетбеговиќ, која протестираше против тие одлуки, пренесува Хина.

Одлуките на Шмит го зголемија бројот на претставници во етничките клубови (пратенички групи) во Домот на народите на ентитетот, а услов за секој од нив да предложи кандидати за претседател или двајца потпретседатели на Федерацијата е поддршка од најмалку 11 претставници во секој клуб. .Во Бошњачкиот клуб СДА, заедно со Демократскиот фронт (ДФ) на Жељко Комшиќ има 13 претставници, а Бошњачко-граѓанскиот блок, кој заедно со ХДЗ треба да формира нова влада, има 10.

Изетбеговиќ изјави за ТВ Федерација БиХ (ФТВ) дека верува оти Лендо ќе биде избран за бошњачки потпретседател на ентитетот, а без негов потпис не е можно да се именува нов премиер или влада. – Нема да го поддржат Нермин Никшиќ за мандатар за состав на новата влада, рече Изетбеговиќ и додаде дека доколку Лендо стане потпретседател, ќе поддржи некој од коалицијата што ја формираше СДА.

Изборот на претседател и потпретседател на Федерацијата се врши индиректно врз основа на предлозите на клубовите на Хрватите, Бошњаците и Србите во Домот на народите на ентитетскиот парламент, за кои потоа гласа Домот на Претставници.

ХДЗ веќе ја предложи Лидија Брадара за претседателка на Федерацијата, но на претседателот му е потребна согласност од двајца потпретседатели за предлог за мандатар за состав на влада.