Сасоли: Да ги охрабриме младите дека овој пад ќе ја доведе земјата до процесот на пристапни преговори
При денешното обраќање во Собранието, претседателот на Европскиот Парламент, Давид Сасоли, испрати охрабрувачка порака кога е во прашање добивањето на датум за преговори за членство на Македонија во ЕУ.
Препорачано
Сасоли смета дека Македонија заслужува да биде дел од европското семејство.
– Не се случило едно „не“. Тоа е еден историски застој, една пауза. За да се навратиме на тој пат, треба да се случи што е можно побрзо давање на датум за преговори. Постои надеж дека овој пат ќе биде продолжен и за тоа имаме потреба од вас, вашиот ентузијазам, вашата желба за слобода и демократија. Без Балканот, тоа нема да биде возможно – порача Сасоли.
Претседателот на ЕП, испрати и порака до младите, во која истакна дека „сите имаме заедничка иднина која треба да ја напишеме заедно“.
Да му објасниме на младите дека нема да го запре овој процес. Да ги охрабриме и да ги убедиме дека овој пад ќе ја доведе Северна Македонија во процесот на пристапните преговори. Имаме заедничка иднина, да ја напишеме заедно“, заврши Сасоли.
