Македонската сноубордерка Сања Спасовска продолжува со новите одлични резултати на меѓународната сцена.

Спасовска денеска настапи во Шкуол, Швајцарија, натпреварување во рамките од Светскиот куп.

Нашата натпреварувачка го освои 24 место со време од 1:52.02 минута и 70 ФИС поени.

До првата позиција дојде Каролин Лангенхорст од Германија, пред нејзината сонародничка Тересија Рамона Хофмејстер, а на третото место се најде Џули Цог од Швајцарија.

Ова е продолжување на успесите на Спасовска, таа пред крајот на минатата година се најде во Топ 30 на Светскиот куп во сноубординг, за првпат во македонската сноуборд историја. Тој натпревар се одржа во Кортина Дампецо, Италија.