По некои шпекулации дека Барселона сака да го ангажира Бруно Гимараеш, каталонските медиуми сега тврдат дека клубот е заинтересиран за уште еден фудбалер од средниот ред на Њукасл – Сандро Тонали.

Интересот за Италијанецот всушност датира од многу одамна. Уште во 2020 година, претседателот на Бреша, Масимо Челино, тврдеше дека одби понуда од 65 милиони евра плус двајца играчи од Барселона за Тонали.

Италијанецот потоа се пресели во Милан, пред Њукасл да го ангажира за 70 милиони евра. Играчот од средниот ред ја отслужи казната за обложување и оваа сезона игра одлично во дресот на премиерлигашот.

Доколку Њукасл се согласи за разделба, англискиот клуб ќе побара прилично висока сума за трансфер, која Барса тешко ќе може да си ја дозволи во сегашната ситуација.

Според „Мундо Депортиво“, каталонскиот гигант ќе продолжи да ја следи ситуацијата со Тонали чија вредност според Трансфермаркт моментно изнесува 45 милиони евра.