Поранешниот фудбалер, а сега претседател на Фудбалскиот сојуз на Камерун, Самуел Ето се соочува со сериозни обвиненија.

Имено, во јавноста се појави аудио-снимка на која Ето ветува дека ќе помогне на клуб од оваа афричка земја да се пласира во повисок ранг. Станува збор за разговор со претседателот на клубот Викторија Лимбе.

„Верувај ми мораше да останеше мирен, бодовите ќе бидат вратени и судијата суспендиран. Дај ми време само да се вратам во Камерун. Ќе дојдеш кај мене во канцеларија ,ќе се видиме, земи ја и сопругата. Овој клуб мора да влезе во Прва лига, тоа е наша заедничка цел, но мораш и ти да ми помогнеш, немој да правиш премногу врева, биди мирен. Знам како станав претседател на федерација, ти должам тебе и на нашите двајца блиски пријатели“, зборува Ето во скандалозната аудио-снимка.

Треба да се истакне дека клубот сезоната ја започна со лоши резултати и беше на последното место во камерунското првенство, но подоцна со подобри резултати успеа да се пласира во друштвото најдобрите.

Ето се огласи, меѓутоа за многумина неговото објаснување за целиот скандал е смешно.

„Тоа беше разговор со мој пријател, човек кој инвестира во фудбалот и сака клубот да биде меѓу најдобрите во Камерун. Јас само му ветив дека нема да има судиски грешки на негова штета“, изјавил Ето.

?? Samuel Eto’o is at the heart of a HUGE SCANDAL in Cameroon.

The President of Fécafoot is allegedly involved in match-fixing after promising to promote a club to the first division in Cameroon. ?

In audio recordings from January 2023, Eto’o allegedly says: “Opopo must go… pic.twitter.com/dylNDpXd6P

— Transfer News Live (@DeadlineDayLive) July 20, 2023