Tренерот на Ливерпул, Јирген Клоп денеска претходно соопшти дека Мохамед Салах ќе се врати на терените, но тимот сега остана без првиот голман Алисон.

Во натпреварот против Брентфорд ќе биде без бразилскиот голман кој повредата ја заработил на последниот тренинг.

Алисон го пропушти натпреварот против Барнли минатата недела поради грип, а засега не се познати повеќе детали за повредата која ја заработил на тренингот и тие се очекуваат по деталните прегледи.

Против Брентфорд Клоп ќе нема да може да смета и на Трент Александар-Арнолд, Доминик Собослај и Тијаго Алкантара. Салах кој сега ќе биде подготвен за настап остуствуваше од почетокот на Африканскиот Куп на Нации каде што заработи повреда на тетивата.

Покрај Салах во тимот се враќа Конор Бредли, како и Ибрахим Конате кој ја одлжеа суспензијата од еден натпревар.

Клоп потврди: Салах се враќа на терените во вистински момент