По победата над Манчестер јунајтед од 3:0 египетскиот репрезентативец, Мохамед Салах најави заминување од редовите на Ливерпул.

Ливерпул во големото англиско дерби го декласираше Манчестер јунајтед, но на Островот најмногу се зборува за изјавата на Салах.

„Поминав убаво лето, имав долго време да останам сам со себе и размислував позитивно. Ова ми е последна сезона во клубот и сакам да уживам. Се чувствувам слободен да играм фудбал и ќе видиме што ќе се случува наредното лето“, изјави Салах.

Салах во овој натпревар го постигна и седмиот гол на „Олд Трафорд“ и ниту еден друг како гостин не постигнал повеќе голови на стадионот на Манчестер.

„Да бидам искрен, ова можеби беше мој последен настап на „Олд Трафорд“. Никој во клубот не разговарал со мене за нов договор. Не е до мене, до клубот е“, додаде Салах.

Покрај голот, Салах запиша и две асистенции, а дресот на Ливерпул го носи од 2016 година, кога пристигна од Рома.

ВИДЕО: Ливерпул славеше во дербито против Манчестер јунајтед