„Ноќеска ми беше демолиран автомобилот и сметам дека тоа е поради мојата критика кон власта“, изјави вечерва поранешниот пратеник Сафет Бишевац во емисијата „24 анализа“.

Според Бишевац, возилото било оштетено пред семејната куќа во скопското село Љубин, а пред него и зад него имало други возила, кои не се оштетени. Случајот е пријавен во полиција.

Бишевац беше пратеник и беше дел од коалицијата предводена од СДСМ до 2017 година, но по доаѓањето на власт на Зоран Заев, тој стана остар критичар на актуелната влада.