Претставничкиот дом на САД гласаше за санкционирање на Меѓународниот кривичен суд (МКС), протестирајќи поради неговото издавање на налози за апсење на израелскиот премиер Бенјамин Нетанјаху и неговиот поранешен министер за одбрана, поради израелската офанзива во Појасот Газа.

Претставничкиот дом вчера усвои мерка со 243 гласа „за“ и 140 со која ќе се санкционираат странските државјани кои истражуваат, апсат, приведуваат или обвинуваат граѓани на Соединетите Американски Држави или сојузничките држави на САД, како што е Израел, кои не се членки на судот. Сите републиканци, 198 од нив, гласаа за мерката, а 45 демократи им се придружија.

„Америка го усвојува овој предлог-закон затоа што квази-судско тело сака да го уапси премиерот на нашиот голем сојузник Израел“, рече пратеникот Брајан Маст, републиканскиот претседател на Комитетот за надворешни работи, пред гласањето.